ZAKHM

zakhm itne diye is dil ko
ki koi dawa inhe bhar na payi
siskiyan lein hum agar toh
poochhte hain kahin chot toh nahin aayi

kya hota hai dard pata chala
jab khud jhelne ki baari aayi
aapse milke na milne ka gham kam tha
jo ab kehte hain jhel lena judai

khamosh rehkar humne sab kuchh saha
gham ke humare kisi ko bhanak na lag payi
humein khud ko yaad rakhne ko kaha
par kya kabhi tumhein humari yaad aayi

ummeedein toh bohot karte ho tum
par kaun karega humare ghamon ki bharpayi
usi guroor ko tod gaye tum
jo thi humari zindagi bhar ki kamayi

is zakhmi dil se fir bhi yahi dua nikli
na pade tum pe kisi gham ki parchhayi
jaisi barbaad kismat is nachhez ko mili
na aaye tumhari zindagi mein waisi tanhayi

Shh..........